Sunday, January 13, 2008

افتح للأمل ... شباكك

السلام عليكم ورحمة الله وبركاته
فشلت قبل كدة ؟؟
اكيد
طيب ياتري عملت ايه عشان تنجح ؟
وهل الفشل دا أثر علي حياتك
!!! يمكن
بس ياتري تأثيره كان ايجابي ولا سلبي ....
هو دا المهم
لو كان ايجابي يبقي خير واديك اتعلمت حاجة جديدة
انما بقي لو كان سلبي!!!
هتفضل تفكر فيه علي انه نقطة سودا في حياتك
وهي سبب تعاسك
ومش بعيد تعتبرها شماعة وتعلق عليها مشاكلك
وهو دا المهم ان معظمنا بيعلق مشاكله علي شماعات
البلد بايظة او والده السبب او الموقف اللي حصله دا كان السبب او العيشة او الفلوس
لالا دا هو الرئيس السبب
لا مش كل دا السبب
السبب الرئيسي هو انت !!!
تصور ... انت
ايوة انت مش اللي جمبك يعني
المشكلة انك بتعلق فشلك علي غيرك وتقول هو السبب وانت البرئ الغلبان مغلوب علي امرك
والمشكلة الاكبر انك تعتبر نفسك فاشل اصلا!!!!
فشلت مرة اتنين ولا حتي تلاتة
انت كدة تبقي ما عملتش حاجة اصلا
اديسون ماوفقش في اختراع 999
لو كان قال انا فاشل ما كانش نفذ حاجة ولا احنا لقينا الكهرباء
لو كان سمع كلام مدرسه لما قال عليه انه غبي
ماكانش بقي اديسون
وصاحب مطاعم كنتاكي اللي عرض خلطته علي 1008 مطعم
وكلهم رفضو
فضل يدور ايه السبب ويدور ويدور ووصل للسبب
واديه دلوقتي مشهور جدا وكلنا بناكل عنده
وبيل جيتس اللي كان بيحلم ان الكمبيوتر يدخل كل بيت
لو ماكنش صمد للنهاية ماكنتش هبقي هنا دلوقتي
:)
هحكلكم حكاية
مرة طالب راح الجامعة وكان تعبان في اليوم ونام
قام من النوم بعد ما الدكتور خلص ولما قام شاف مسألتين رياضة مكتوبين علي السبورة
اخدهم علي اساس انهم واجب وفضل يحاول يحلهم ماعرفش
دور في المراجع لحد ما وصل لحل واحدة وما عرفش التانية
تاني يوم استني ان الدكتور يسأل حد جاوبهم ماسألش
راحله قاله في مسألتين حضرتك ماسألتش احنا حليناهم ولالا
قاله مسألتين ايه
قاله المسألتين اللي كانو علي السبورة
الدكتور قاله ان المسألتين دول كمثال للمسائل اللي مالهاش حل
لو كان الطالب دا صاحي في المحاضرة كان عرف يحلها
لا طبعا
ابسط حاجة هيقول كل العلماء دول ما عرفوش وانا اللي هعرف
يبقي الحل ايه
افتح للامل شباك عشان يقدر يوصلك
ووقتها هتكون ناجح فعلا
انتظروفي في المرة القادمة ... آيات

8 comments:

Abd-Alrahman said...

اية دة هوة انا برضة اول حد هعلق
؟؟؟
اية شكلي نشيط جدا اليومين دول
علي فكرة حكاية الامل دي بجد انا فكرت فيها ملايين المرات ولكن من الصعب انك تفتح لها شباكك في وقت الدنيا اولا برد جدا جدا وثانيا وراك امتحانات كتيييير
ومش فاضي ومخنوق لانك مش عارف تحل في ولا امتحان وشكلك كدة ضايع السنة دي
ربنا يستر
ولكن البوست جميل جدا
فية تشجيع شديد اللهجة
وخوف علي القارئ مكنتش عارف يا ايات انك بتكتبي بالجمال دة
ربنا معاكي وياريت تدعيلي لاني بجد محتاج اي دعوة لاني متبهدل في الامتحان
واوعدك اني هفكر افتح الشباك بس في الصيف لاما اروح بلدنا لاني في اسيوط دلوقتي واسيوط برد جدا جدا ولاني كمان كل ما اجي افتحه معرفش بتيجي حاجة تقضي علي اي تفكير ليا ناحية الامل
اسف جدا جدا طولت عليكي

مـحـمـد مـفـيـد said...

اجابات مميزه
ةحث علي النشاط وعدم الكسل
تحياتي لكي

Muhammad Mammdouh said...

اشكرك على دماغك العالى وفكرك المميز واسلوبك الذيذ وربنا يوفقك وخصوصا لو كان سنك صغير زى ماقلتى تحياتى ليكى يا يو

@y@t said...

اهلا دكتور
لو فتحت شباكك للامل
لا هتحس ببرد ولا هتخاف من الامتحانات
لان ببساطة الامل بيديك قوة اكتر عشان تحقق احلامك

لازم تفتحه من دلوقتي
لانك لو استنيت بعدين مش هيتفتح اصلا
لو فكرة بجدية انك تحقق حلمك مافيش حاجة هتقف قدامك
وهتلاقي الامل في طريقك
حتي لو في اي حاجة محزنة فجأة هتتحول لفرح
عن تجربة

@y@t said...

اخ محمد مفيد
حضرتك نورت مدونتك
جزاك الله خيراً

@y@t said...

اخ محمد محمود
جزاك الله خيراً لتشريفك مدونتي
السن مش بيتحسب بعدد الايام
لاكن بيتحسب بالعقلانية
مش كدة

la3lahakhier said...

السلام عليكم
اول زيارة
وعن الفشل كمان ايهده كله ؟
اختك تخصص
يلا خير
تقبلى يابنتى مرورى والنبى
لعلها خير

Anonymous said...

كلماتك جميلة جدا ورائعة

ورفعت كمان من معنوياتنا ربنا يبارك فيكى ويجزيكى كل خير ويجعل أيامك كلها أمل