بحلم وحلمي بسيط
بحلم بأسرة وبيت
بحلم بأب حنين وبين ايديه اتطمن
بحلم بأم رقيقة تضيع بين ايديها الضيقة
بحلم بأخ كبير يكون سند في الطريق
وأخت جميلة هو الاخت والصديقة
بحلمنا بلمة عيلة وكلنا علي الطرابيزة
مستنيين المدفع رافعين ايدينا بندعي
وعديت علينا سنين
وادينا اهوه قاعدين
قاعدين بنفس اللمة
زايد علينا ازواجنا
واطفالنا آهي حوالينا
والبسمة مالينا وجوهنا
رافعين ايدينا بندعي
يارب ديم علينا اللمة
يارب ديم علينا اللمة
اول مرة اكتب النوع دا يارب يكون حلو
دا نتيجة لحظة انسجام مع الرسم
كنت برسم مش رسم عادي رسم فني
وانا فوسط المساطر والاقلام لقيت فجأة الوحي نزل :D
يارب تكون حلوة
3 comments:
اووووووووووووو
اية دة هوة انا اول حد هعلق
بجد دي شهادة اعتز بيها اني استطعت حجز اول تعليق علي مدونة ذكريات
كلماتك اختي الكريمة تمتلك قوة في الاسلوب ووضوح في المعاني
وسلاسة في جذب القارئ
وبجد بداية موفقة وربنا معاكي وكل سنة وانتي طيبة
عزيزتي لقد تلاعبتي بالكلمات وسطرتيها بحرفية فلك مني جزيل الشكر
وعلي فكرة مع ان دي اول زيارة ليا للمدونة بتاعتك الا اني اري لها طابع خاص مدونة جميلة وشيقة وهادفة اهنيكي علي امتلاكها واكيد الطابع الخاص دة مش غريب علي ذوق صاحبتها الجميل
اتمني ان اتشرف بتعليقاتك وزياراتك الجميلة لمدونتي المتواضعة
الصيدلي المطحون
اهلا بحضرتك
نورت المدونة
ميرسي علي كلامك
حضرتك شجعتني اكتب تاني
كل سنة وحضرتك طيب
عام جديد وعلي عملك شهيد
شكرا علي زيارتك الجميلة للمدونة بتاعتي
وكل سنة وانتي وانا والامة الاسلامية كلها بخير
Post a Comment